ထို့အပြင်၊ သစ်တောပြုန်းတီးခြင်း၊ ပလပ်ထားခဲ့သော မြေများမှာ စိုက်ပျိုးခြင်း၊ စိုက်ပျိုးမြေများမှာ သီးနှံအထွက်ကို ဖြစ်ညှစ် ထုတ်ယူ ခြင်း၊ စားကျက် မြက်ခင်းများမှာ တိရစ္ဆာန်များ အလွန်အကျွံ မွေးခြင်းတို့ကြောင့် မြေဆီခန်းခြောက်မှုများ တိုး၍ ဖြစ်ပွားခဲ့သည်။
အငြင်းပွားစရာဖြစ်ခဲ့သော တိဘက် ရထားလမ်းကြောင့် မီးရထားလမ်း တလျှောက်ရှိ ယခင် ရေခဲ ခဲ့ရာ နေရာများ အရည်ပျော်သွား ကုန်ကြသည်။ ဤသို့ဖြင့် သဘာဝပတ်ဝန်းကျင်ကိုရော၊ မီးရထားလမ်း၏ တည်ငြိမ်မှုကိုပါ အန္တရာယ်ဖြစ်စေပါသည်။ အတွင်းမွန်ဂိုလီးယား နယ်မြေ၌ ဂိုဘီသဲကန္တာရသည် တချိန်က တိရစ္ဆာန် မွေးမြူ၍ ရခဲ့သော စားကျက်မြေများမှာ ယိုယွင်းလာသည့် အဖြစ်သို့ ရောက်အောင် တိုးကျယ်လာနေလျက်ရှိသည်။
တရုတ်ပြည်သူ့ သမ္မတနိုင်ငံ ကုန်းမြေ၏ ၂၈ % သည် သဲကန္တာရ အဖြစ်သို့ ရောက်ပြီး ဖြစ်နေပြီး၊ နောက်ထပ် ၁၈ % က လည်း သဲကန္တာရ အဖြစ်သို့ ပြောင်းလဲနေလျက် ရှိသည်။ တရုတ်ပြည်၏ စားကျက်မြက်ခင်းမြေများ အနက် ၉ဝ % သည် အတိုင်းအတာ အမျိုးမျိုးအလိုက် ဆုတ်ယုတ်ပျက်စီး နေလျက်ရှိကာ မြေသြဇာနှင့် လယ်ယာအထွက်ကို ယုတ်လျော့ စေပါသည်။ မြစ်ညာပိုင်း ဒေသများမှ တိုက်ချလာခဲ့သော အနည်အနှစ်များက နောက်ဆုံး၌ မြစ်အကြေပိုင်းနှင့် အင်း၊ အိုင်များမှာ အနည်ထိုင်လေသည်။
မြစ်ဝါမြစ်၏ ဆိုးဝါးလှသော အနံ့အသက်များကို မခံနိုင်သော နွားကျောင်းသားတစ်ဦးဟီနန်Henan ပြည်နယ်၌ ဒေသနေလူများက မြစ်ဝါမြစ်ကို ရှောင်ဟီ (ပူလောင်နေသော မြစ်) ဟု ခေါ်ကြသည်။ သိပ်သည်းသော အနည်အနှစ်များကြောင့် လေရှုရန် အငန်းမရ ဖြစ်နေသော ငါးများ ပွက်နေကြခြင်းကို အကြောင်းပြု၍ ဤသို့ ခေါ်ကြခြင်းဖြစ်သည်။ အနည်အနှစ်များကြောင့် မြစ်ကြမ်းပြင် မြင့်တက်ခြင်းနှင့် အင်းအိုင်များထဲရှိ ရေပမာဏ လျော့နည်းသွားခြင်းများ ဖြစ်ပွားသည်။ သဲမုန်တိုင်း များလည်း ပို၍ ကြီးလာပြီး၊ ဖြစ်ပွားမှု ပိုများလာသည်။ (၂ဝဝ၂) ခုနှစ်၊ နွေဦးပေါက် ရာသီ၌ ဘေဂျင်းမြို့တွင် ဤကဲ့သို့သော သဲမုန်တိုင်းတခု ကြောက်မက်ဖွယ်ရာ တိုက်ခတ် သွားခဲ့သည်။ (၂ဝဝ၄) ခုနှစ်ကလည်း ဤမုန်တိုင်းမျိုး နောက်ထပ်တခု တိုက်ခတ်ခဲ့ပြန်ကာ၊ နံနက်ခင်း ကောင်းကင်သည် ပြာရာမှ နီသွားခဲ့သည်။ မွန်းလွဲချိန်ရောက်တော့ မည်းသွားပြန်ခဲ့သည်။ အဝေးမြင်နိုင်စွမ်းသည် (၁ဝ) မီတာ အကွာအဝေး လောက်အထိသာ ရှိတော့သည်။ တိုင်းပြည်၏ အခြားနေရာများတွင် ဆောင်ရွက်နေကြသော မြေငလျင် ကယ်ဆယ်ရေး လုပ်ငန်းများမှာ နှောင့်နှေး ကြန့်ကြာ ခဲ့ရချေသည်။
မြစ်ကြမ်းပြင် မြင့်တက်လာသော အခါ၌ ရေကြီးမှုများ ပို၍ အဖြစ်များလာသည်။ မြစ်ဝါမြစ်၏ အခြေအနေသည် “တရုတ်ပြည်၏ ကြေကွဲစရာ” အဖြစ် ဆက်လက် ဖြစ်ပွားနေဆဲပင် ရှိသည်။ သမိုင်းတလျှောက်မှာ ရာစုနှစ်များ နှစ် အချို့ကြာ၊ ကြာပြီးမှသာ ဖြစ်ပွားလေ့ရှိသော မြစ်ဝါမြစ်၏ မြစ်ကြောင်း ပြောင်းလဲမှုသည် မကြာသေးမီ ရာစုနှစ်များမှာ ခပ်စိပ်စိပ် ဖြစ်လာခဲ့သည်။ (၁၉၉ဝ) ခု လွန်နှောင်းပိုင်းနှစ်များ အရောက်တွင် မြစ်ဝါမြစ်ရေသည် ခန်းစပြုလာခဲ့သည်။ စက်ရုံအလုပ်ရုံသုံးနှင့် လူသုံးအတွက် မြစ်ရေကို (၂) ဆင့် ထား၍ စုပ်တင်ရသည်။ ဆိုးရွားနေသော အခြေအနေမှ နေ၍ ပိုကောင်းလာအောင် ကြိုးပမ်းအားထုတ်မှုများ လုပ်ခဲ့သော်လည်း ပို၍ ဆိုးလာမြဲဆိုးလာ နေလျက်ပင် ရှိသည်။
(၁၉၉ဝ) ခု လွန်နှစ်များ အတွင်းက မြစ်ဝါမြစ်ရေ၏ ၄ဝ % ကို သောက်သုံး၍ ရခဲ့သော်လည်း (၂ဝဝ၇) ခုနှစ် အရောက်တွင် မူ (၃) ပုံ(၁) ပုံသာ သောက်သုံး၍ ရတော့သည်။ ရေကြီးလာလျှင် ပြေး၍ မလွတ်နိုင်သလို၊ မြစ်ရေကလည်း ခမ်းခြောက် လာတော့မည် သဘောရှိ နေသည်။ နေရာဒေသ အချို့မှာ ရေကြီးမှုများ ပို၍ အဖြစ်များ လာသလို၊ အခြား နေရာဒေသများမှာ သဲကန္တာရအဖြစ်သို့ ပြောင်းလဲ မှု များ ပို၍ အဖြစ်များလာနေလျက်ရှိသည်။
အထိမ်းအကွပ်မဲ့စွာ သဘာဝပတ်ဝန်းကျင် ယိုယွင်း ပျက်စီးနေသည်ကို ပို၍ပို၍ သတိပြုမိလာသည့် သဘောဖြင့် နိုင်ငံတော် ကောင်စီ က (၁၉၈၄) ခုနှစ်တွင် သဘာဝပတ်ဝန်းကျင် ကာကွယ်စောင့်ရှောက်ရေးရုံးကို အေဂျင်စီအဆင့်သို့ တိုးမြှင့် လိုက်ပြီး၊ ထိုမှတဖန် (၁၉၈၈) ခုနှစ်တွင် နိုင်ငံတော် သဘာဝပတ်ဝန်းကျင် ကာကွယ်စောင့်ရှောက်ရေး အေဂျင်စီ (SEPA) အဖြစ်သို့ တိုးမြှင့်ခဲ့သည်။ ထို့အပြင် (၁၉၈၈) ခုနှစ်မှာပင် သဘာဝ ပတ်ဝန်းကျင်ဆိုင်ရာ စံမှတ်ချက်များကို နယ်ပယ် (၅) ခုတွင် စတင် ကျင့်သုံးခဲ့သည်။ ၄င်းနယ်ပယ် (၅) ခုမှာ လေညစ်ညမ်းမှု၊ ရေညစ်ညမ်းမှု၊ အသံညစ်ညမ်းမှု၊ ထုထည်ရှိသော အညစ်အကြေးများ ပြန်လည် သန့်စင် အသုံးပြုမှုနှင့် စွန့်ပစ်မှု၊ “မြို့ပြ စိမ်းလန်းစို ပြည်ရေး” ဆောင်ရွက်မှုတို့ ဖြစ်သည်။ ဤစံသတ်မှတ်ချက်များကို မြို့ကြီးပေါင်း (၃၂) မြို့မှာ ကျင့်သုံးခဲ့သည်။ ထိုမြို့ကြီးများရှိ အာဏာပိုင်များ၏ တနှစ်တာ လုပ်ငန်း ဆောင်ရွက်မှုကို အကဲဖြတ်ရာ၌ အဆိုပါ နယ်ပယ် (၅) ခု အတွင်း ဆောင်ရွက်မှု များကို ထည့်သွင်း စဉ်းစားမည်ဖြစ်ကြောင်း သတိပေးထားသည်။ တကယ့် လက်တွေ့၌မူ လုပ်ငန်း ဆောင်ရွက် မှု ရလဒ်များကို လိမ်ညာဖေါ်ပြ၍ လွယ်ကြောင်း တွေ့ရှိရသည်။ (၂ဝဝ၆) ခုနှစ် အကုန်မှာ ထုတ်ပြန်ခဲ့သော (SEPA) ၏ အစီရင်ခံစာ၌ ဖေါ်ပြထားသည်မှာ ဓါတ်ငွေ့ ထုတ်လွှတ်မှုကို ၂ % လျှော့ချခဲ့သည်ဟု နယ်မြေဒေသဆိုင်ရာ အချက် အလက်များက ဖေါ်ပြထားသော် လည်း၊ အမှန်တကယ်၌ ဓါတ်ငွေ့ထုတ်လွှတ်မှုသည် ၂ % တိုးခဲ့သည်ဟူ၍ ဖြစ်သည်။
သဘာဝပတ်ဝန်းကျင် ဗြူရိုအဖွဲ့၏ လုပ်ငန်းနယ်ပယ် တိုးချဲ့ရေး၊ ဝန်ကြီးဌာနများ၊ အဆင့်ဆင့်သော အစိုးရဌာနများ အတွင်းမှာ တာဝန် ခွဲဝေမှု ရှင်းရှင်လင်းလင်း ပြတ်ပြတ်သားသား ရှိရေးတို့အတွက် ကြိမ်ဖန်များစွာ ကြိုးပမ်းခဲ့သည်။ (၂ဝဝ၂) ခုနှစ်တွင် ဘေဂျင်းသည် ဖန်လုံအိမ် ဓါတ်ငွေ့ထုတ်လွှတ်မှု ထိန်းချုပ်ရေးဆိုင်ရာ တိုကျိုသဘောတူစာချုပ်ကို လက်မှတ် ရေးထိုးခဲ့သည်။ ရေထိန်းသိမ်းမှုအတွက် ရည်ရွယ်သော ပြည်တွင်းဥပဒေသစ် တရပ်ကို ပြဌာန်းခဲ့သည်။ ထို့အပြင် ညစ်ညမ်းမှု၊ စွမ်းအင်သုံးစွဲမှု၊ ပြန်လည်သန့်စင် အသုံးပြုမှုတို့နှင့် ဆိုင်သော စည်းမျဉ်း စည်းကမ်းသစ်များကိုလည်း ထုတ်ပြန်ခဲ့သည်။ ဤသို့လုပ်ခြင်းကြောင့် မည်မျှ ကောင်းလာမည်နည်း ဆိုသည်ကိုမူ စောင့်ကြည့် ရပေဦးမည်။ ဗဟို အစိုးရ၏ စည်းမျဉ်းစည်းကမ်းများ အာဏာတည်အောင် တာဝန်ယူ ဆောင်ရွက်ပေးရသော နယ်မြေဒေသ ဆိုင်ရာ သဘာဝ ပတ်ဝန်းကျင် ဗြူရိုအဖွဲ့များသည် ဝန်ထမ်း မလုံမလောက် ဖြစ်နေသည့် အပြင်၊ မိမိတို့ စည်းကမ်းကွပ်ညှပ်ရမည့် စက်မှု လုပ်ငန်း များနှင့်လည်း မကင်းရာ၊ မကင်းကြောင်း အဆက်အဆံ ရှိနေတတ်ကြသည်။ နယ်မြေဒေသဆိုင်ရာ သဘာဝ ပတ်ဝန်းကျင် ဗြူရိုအဖွဲ့ များထက် အုပ်ချုပ်ရေး အာဏာ ပိုမြင့်သော အစိုးရပိုင် စက်ရုံအလုပ်ရုံများသည် သတိပေးချက် များကို အရေးမစိုက်ဘဲ နေသာကြသည်။ ညစ်ညမ်းမှုကို အဆိုးရွားဆုံး ဖြစ်ပွားစေသူများအနက် အများစုသည် အမှန် တကယ် လုပ်ငန်း အပိတ်ခံ ရစရာမရှိ (သို့မဟုတ်) ကြီးလေးစွာ အပြစ်ပေး ခံရစရာ မရှိသော နိုင်ငံပိုင် စက်ရုံ အလုပ်ရုံများ ဖြစ်သည်။ နယ်မြေအာဏာပိုင်များက ညစ်ညမ်းမှု ဖြစ်စေသော စက်မှုလုပ်ငန်း များကို အကာအကွယ် ပေးခြင်းများ ရှိတတ်သည်။ အကြောင်းမှာ ဤလုပ်ငန်းများက အခွန်တော် ဝင်ငွေကို ဖြည်တင်းပေးသည့်အပြင်၊ အလုပ် နေရာလည်း ပေးသောကြောင့်ဖြစ်သည်။
စက်ရုံအလုပ်ရုံ အတော်များများက ဒဏ်ရိုက် ခံရခြင်းအတွက် ကုန်ကျငွေကို ထုတ်လုပ်ရေး ကုန်ကျစားရိတ်ထဲ ထည့်သွင်း ကြသည်။ ညစ်ညမ်းမှု ထိန်းချုပ်ရေး စွမ်းအားကိုတော့မူ တိုးတက်အောင် မလုပ်ကြချေ။ အချို့ကမူ စည်းမျဉ်း စည်းကမ်း များကို အလွယ် လျစ်လျူရှု ထားလိုက်ကြသည်။ လိုက်နာရေးအတွက် ကုန်ကျစားရိတ် ကြီးလေး လွန်းလှသည်ဟု ဆင်ခြေ ပေးကြသည်။ ထို့အပြင် ဖမ်းမိခံရမည့် အန္တရာယ်ကလည်း နည်းလေသည်။ ရေတို အမြတ်အစွန်းနှင့် ရုပ်ဝတ္ထု အကျိုး ကျေးဇူးတို့မှာ စိတ်ဝင်စားမှုက သဘာဝ ပတ်ဝန်းကျင်အတွက် စိုးရိမ်ခြင်းထက် အပုံကြီး သာလွန်နေလေသည်။ တရုတ်ပြည်သည် စွမ်းအင် ထိရောက်စွာ သုံးစွဲရေး (၅) နှစ် စီမံကိန်း၏ ပထမနှစ် ဖြစ်သော (၂ဝဝ၆) ခုနှစ်၏ ရည်မှန်း သတ်မှတ်ချက်ကို အောင်မြင်အောင် ဆောင်ရွက်နိုင်ခဲ့ခြင်း မရှိဟူ၍ အာဏာပိုင်များအတွင်းမှ ညည်းညူသံ ထွက်ပေါ်လာခဲ့သည်။ တရုတ်ပြည်၏ ကျွမ်းကျင်သူ ပညာရှင် အုပ်စုတစုက ပြုစုခဲ့သော “တရုတ်ပြည် ခေတ်မှီတည် ဆောက်ရေး အစီရင်ခံစာ (၂ဝဝ၇) Chinese Modernization Report 2007 တွင် သဘာဝ ပတ်ဝန်းကျင် အရေး ကိစ္စ ဆောင်ရွက်ရာ၌ ဖွံ့ဖြိုးဆဲနှင့် ဖွံ့ဖြိုးပြီး နိုင်ငံပေါင်း (၁၁၈) နိုင်ငံအနက် တရုတ်ပြည်ကို နံပါတ် (၁ဝဝ) အဖြစ် သတ်မှတ် ထားခဲ့သည်။
နိုင်ငံတော် သဘာဝ ပတ်ဝန်းကျင် ကာကွယ် စောင့်ရှောက်ရေး အေဂျင်စီ (SEPA) ကို ဝန်ကြီးဌာန အဆင့်သို့ တိုးမြှင့်ရေး တောင်းဆိုသံ များသည် (၂ဝဝ၇) ခုနှစ်တွင် ခါတိုင်းထက် ပို၍ ကျယ်ကျယ်လောင်လောင် ပေါ်ထွက် လာခဲ့ခြင်းသည် ဤပြဿနာများကို ပြတ်ပြတ် သားသား ဖြေရှင်းမည်ဟူသော စိတ်များ တိုးပွား လာနေလျက်ရှိကြောင်း ဖေါ်ပြ လိုက်ခြင်း ဖြစ်သည်။ ဝန်ကြီးဌာန အဆင့်သို့ မရောက် သေးဘဲနှင့်ပင် SEPA သည် ပို၍ လှုပ်ရှားလာခဲ့သည်။ (၂ဝဝ၇) ခုနှစ် အစောပိုင်း၌ တိုင်းပြည်ရှိ ထိပ်တန်း လျှပ်စစ်ဓါတ်အား ပေးရေး ကုမ္ပဏီများနှင့် နယ်မြေဒေသဆိုင်ရာ အစိုးရများ၏ စီမံကိန်း အသစ်များသည် သဘာဝ ပတ်ဝန်းကျင်ဆိုင်ရာ စံသတ်မှတ်ချက် များနှင့် မပြည့်မီသည့်အတွက် SEPA က အားလုံးကို အတည်ပြုချက် မပေးဘဲ ဆိုင်းငံ့ ထားခဲ့သည်။ ယခင်က ဤကုမ္ပဏီများနှင့် လုပ်ငန်းများ ကို မည်သူမျှ ထိဝံ့ခဲ့သည် မဟုတ်ချေ။ စည်းမျဉ်း၊ စည်းကမ်းများကို အာဏာတည်အောင် ဆောင်ရွက် လိုက်သော အခါ၌ ကြေကွဲဖွယ် အကျိုးဆက်များ ဖြစ်ပွားလာခဲ့သည်။ စက်ရုံ တစ်ရုံဆီမှ ဆာလ်ဖါဒိုင်အောက်ဆိုက်များ ထုတ်လွှတ်သည်ကို နှစ်အတော်ကြာ ကန့်ကွက်ပြီး နောက်တွင် နယ်မြေသူ နယ်မြေ သား များက အနိုင်ရကာ၊ စက်ရုံ ပိတ်လိုက်ရသည်။
အလုပ်လက်မဲ့ ဖြစ်သွားရခြင်းနှင့် ပတ်သက်၍ ဒေါသဖြစ်ကာ၊ စက်ရုံအလုပ်သမားများက နယ်မြေသူ၊ နယ်မြေသားများကို အငြိုးထား၊ မဲကုန်ကြသည်။ လူ ၂ ဦး ရက်ရက်စက်စက် အသတ်ခံရပြီး၊ အတော်များများလည်း ဒဏ်ရာ အနာတရ ဖြစ်သွားခဲ့ကြသည်။ နောက်နယ်မြေ တစ်ခု၌မူ စက္ကူ စက်ရုံ တစ်ရုံကြောင့် မိမိတို့၏ ကောက်ပဲသီးနှံများ ပျက်စီးရပါသည်ဟု ကန့်ကွက်သော လယ်သမား များကို ပုလိပ်က ဖမ်းဆီးကာ တာဝန် ၀တ္တရား နှောက်ယှက်မှုဖြင့် အမှု ဖွင့်ခဲ့သည်။ စီချွန်းပြည်နယ်၌ ပုလိပ်တယောက် သေဆုံးခဲ့သော သဘာဝ ပတ်ဝန်းကျင်ဆိုင်ရာ ကန့်ကွက် ဆန္ဒပြမှု တစ်မှုမှာ ပါဝင်ခဲ့သူ တဦးသည် မိမိ၏ ရှေ့နေပင်လျှင် အသိပေးခြင်း မခံရသော တခါးပိတ် စီရင် စစ်ဆေးမှုအပြီးတွင် မိမိကိုယ်မိမိ သတ်သေ သွားခဲ့သည်။
အမိန့်အရ ပိတ်လိုက်သော စက်ရုံများက ရက်အနည်းငယ် အကြာမှာ ပြန်လည် ဖွင့်ကြရာ၊ သဘာဝ ပတ်ဝန်းကျင် ထိန်းသိမ်းရေး အာဏာပိုင်များ မခံချိမခံသာ ဖြစ်ကြရလေသည်။ အံ့သြစရာ ကောင်းလှသည် ကား ယခုအချိန်အထိ တရုတ်ပြည်က နိုင်ငံခြားမှ စွန့်ပစ် ပစ္စည်းများကို အမြောက်အမြား တင်သွင်း နေခြင်းပင် ဖြစ်သည်။ တန်နှင့် ချီသော အီလက်ထရောနစ် စွန့်ပစ်ပစ္စည်းများ (စွန့်ပစ် ကွန်ပြူတာများ၊ တယ်လီဗေးရှင်း များနှင့် လက်ကိုင်ဖုန်းများ) ကို တင်သွင်းကာ ပြန်လည်ပြုပြင်၊ အသုံးပြု နေလျက်ရှိသည်။ ဤသို့ဖြင့် ပြည်တွင်းမှ ထုတ်လုပ်ထားသော အဆိပ်ပုံကြီးမှာ နောက်ထက်အဆိပ်များ ထပ်လောင်းပေး လိုက်လေသည်။
တရုတ်ပြည်သည် ကမ္ဘာ၏ ဧရာမ မြေနေရာ အကျယ်အ၀န်းကြီးကို နေရာယူထားပြီး၊ လူဦးရေကလည်း ဤမျှ များပြား လှသည်ဖြစ်ရာ ၄င်း၏ သဘာဝ ပတ်ဝန်းကျင် အခြေအနေသည် ကမ္ဘာ့ သဘာဝပတ်ဝန်းကျင် တည်ငြိမ် ရေးအတွက် အရေးကြီးနေလေသည်။ တရုတ်ပြည်သည် အမေရိကန် ပြည်ထောင်စုပြီးလျှင် ကမ္ဘာပေါ်တွင် ကာဗွန်ဒိုင်အောက်ဆိုက် ဒုတိယ အများဆုံး ထုတ်လွှတ်သော တိုင်းပြည်ဖြစ်သည်။ ရုရှား၊ ဂျပန်၊ ဂျာမဏီတို့၏ ရှေ့က ပြေးနေသည်။ တရုတ်ပြည်သည် စီးပွားရေး တိုးချဲ့မှုအတွက် လောင်စာကို တိုး၍ တိုး၍ လိုအပ်နေလျက် ရှိခြင်း၊ လောင်စာ သုံးစွဲရာ၌ ဖွံ့ ဖြိုးပြီး တိုင်းပြည်များနှင့် စာလျှင် ထိရောက်မှု အလွန်နည်းခြင်းတို့ကြောင့်၊ အကယ်၍ သည်အတိုင်း လွှတ်ထားလျှင် (၂၀၅၀) ခုနှစ် အရောက်တွင် ၄င်း၏ ဓါတ်ငွေ့  ထုတ်လွှတ်မှု ပမာဏသည် အမေရိကန် ပြည်ထောင်စု ထုတ်လွှတ်မှု ပမာဏ၏ (၂) ဆ ဖြစ်သွားပေလိမ့်မည်။စီးပွားရေး ဖွံ့ဖြိုးမှု နောက်ကွယ်က သဘာဝပတ်ဝန်းကျင် ဝေဒနာများ ဤအတိုင်းသာ သဘာဝ ပတ်ဝန်းကျင် ဖျက်ဆီးသော တိုင်းပြည် မျိုး ဆက်ဖြစ်နေမည် ဆိုပါက ကမ္ဘာဂြိုဟ်၏ ကျန်သော အစိတ်အပိုင်းများအပေါ် ၄င်း၏ အကျိုးသက်ရောက်မှုများသည် ပို၍ ဆိုးရွား လာနိုင်ပါသည်။ ဤအကြောင်းကြောင့်ပင် နိုင်ငံတကာ သဘာဝပတ်ဝန်းကျင် လှုပ်ရှားမှု ခေါင်းဆောင်များက တရုတ်ပြည်အား နိုင်ငံစုံ သဘာဝ ပတ်ဝန်းကျင် သဘောတူ စာချုပ်များတွင် လက်မှတ် ရေးထိုးအောင် ကြိုးစား ဆွဲဆောင်ခဲ့ ကြသည်။ တရုတ်ခေါင်းဆောင်များက စာနာမှု ရှိကြသော်လည်း ဤသဘောတူ စာချုပ်များမှာ ပါရှိသော ဥပဒေများ အာဏာ တည်အောင် ဆောင်ရွက်ရေးအတွက် ငွေကြေး မတတ်နိုင်ပါဟု ဆိုကြသည်။
သို့ရာတွင် လျှိုမြောင် ၃ သွယ်ဆည်နှင့်၊ တောင်ပိုင်းမှ မြောက်ပိုင်းသို့ ရေသွယ်ပို့ရေး စီမံကိန်း လုပ်ငန်း ကဲ့သို့သော ငွေကုန် ကြေးကျ လည်း အကြီးအကျယ်များပြီး၊ သဘာဝ ပတ်ဝန်းကျင် မှာလည်း ထိခိုက်ဖွယ်ရှိသော စီမံကိန်းများ ချမှတ်၊ အကောင်အထည် ဖေါ်သည် ကို ကြည့်ခြင်းအားဖြင့် သဘာဝပတ်ဝန်းကျင် ကိစ္စသည် တရုတ် အစိုးရ၏ လုပ်ငန်းအစီအစဉ်မှာ အရေးပါ သော ကိစ္စ မဟုတ်ကြောင်း ရှင်းနေပါသည်ဟု အချို့ ပုဂ္ဂိုလ်များက ထောက်ပြကြသည်။ သဘာဝပတ်ဝန်းကျင် ကာကွယ် စောင့်ရှောက်ရေးအတွက် အနိမ့်ဆုံး လိုအပ်သော ငွေကြေး ပမာဏသည် အမျိုးသား ထုတ်ကုန် စုစုပေါင်း တန်ဖိုး၏ ၂% ရှိသည့်အနက် တရုတ်ပြည်သည် လောလော ဆယ်၌ ၀ .၇ % ကိုသာ သုံးစွဲလေသည်။
နိုင်ငံတကာ ငွေကြေး အဖွဲ့အစည်းများက လိုအက်စ်ကုန်းမြင့် ပြန်လည် ကောင်းမွန်လာရေး စီမံကိန်းကဲ့သို့သော စီမံကိန်းများအတွက် ငွေကြေးထုတ်ချေးထားခဲ့ပြီးဖြစ်
လူထုထဲမှာ သဘာဝပတ်ဝန်းကျင်နှင့် ပတ်သက်သော အသိအမြင်များ ပိုရှိလာခဲ့သည်မှာ အစိုးရ၏ ထုတ်ပြန်အသိပေးမှု ကြောင့်လည်း ဖြစ်နိုင်ပါသည်။ တီယန်ဂျင်နှင့် ရှန်ဟိုင်းကဲ့သို့သော မြို့ ကြီး အတော်များများ၌ ညစ်ညမ်းမှု အမျိုးအစားအချို့  ကို ထိန်းချုပ် ရာ၌ အောင်မြင်မှုများ ရနေကြောင်း သတင်းများ ပေါ်ထွက်လာခဲ့သည်။ သန့်ရှင်းသော ပတ်ဝန်းကျင်သည် နိုင်ငံ ခြားရင်းနှီး မြှုပ်နှံမှုများ ဆွဲဆောင်ရေး အစီအစဉ်တွင် အရေးကြီးကြောင်းကို အထူးသဖြင့် ရှန်ဟိုင်း အာဏာပိုင်းများ သိထားကြသည်ဖြစ်ရာ၊ သန့်ရှင်းသော သဘာဝပတ်ဝန်းကျင် တရပ် ဖန်တီးရေးအတွက် အားတက်သရော ကြိုးပမ်းကြသည်။ အခြားမြို့ ကြီးများ ကလည်း အတိုင်းအတာ အမျိုးမျိုးဖြင့် ကြိုးပမ်းကြသည်။ အခြားမြို့ ကြီးအများစုသည် ရှန်ဟိုင်းနှင့် စာလျှင် ကြွယ်ဝမှုအလွန် နည်းသည်ဖြစ်ရာ သဘာဝ ပတ်ဝန်းကျင်အတွက် ဆောင်ရွက်ရာ၌ ရှန်ဟိုင်းလောက် အရင်းအမြစ်များများ မတတ်နိုင်ကြချေ။ သဘာဝ ပတ်ဝန်းကျင် ပြဿနာမှ
နေ၍ (ဖြစ်ပေါ်လာဖွယ်ရာ ရှိသော) ဒီမိုကရေစီရေး တိုက်ပွဲအတွက် တွန်းအားများ ဖြစ်ပေါ်လာမည်ကို တရုတ်ခေါင်းဆောင်များက စိုးရိမ်နေကြသည့် ကြားထဲကပင် တရုတ်ပြည်မှာ “အစိမ်းရောင် ” လှုပ်ရှားမှုများ ကြီးထွား လာနေလျက် ရှိသည်။
အမျိုးသမီးတဦးသည် ဒီဗွီဒီ အခွေအတုထဲမှ Erin Brockovich အမည်ရှိ ရုပ်ရှင်ကားကို ကြည့်မိရာမှ နေ၍ ပတ်ဝန်းကျင်အရေး လှုပ်ရှားသူ တဦးဖြစ်လာခဲ့သည်။ ထိုရုပ်ရှင်ကားသည် အမေရိကန်ပြည်၏ နာမည်ကြီး ကော်ပိုရေးရှင်းကြီးတခုမှာ ၀င်ရောက် အလုပ် လုပ်ပြီးနောက် အောင်မြင်မှု ရသွားခဲ့သော အမေရိကန် အမျိုးသမီးတဦး၏ အကြောင်းဖြစ်သည်။ ဆည်များ နှင့်ပတ်သက်သော စိုးရိမ်မကင်းစိတ်များက သဘာဝ ပတ်ဝန်းကျင် လှုပ်ရှားမှုများကို ကြီးထွားစေပါသည်။ မဖြစ်မနေ နေရာရွှေ့ ပြောင်း ပေးရသော သူများအတွက် ကတိပေးထားသော နေအိမ်သစ်များနှင့် အခြား လျော်ကြေးများ မရရှိတတ်သော အဖြစ်များကို သိထားကြသဖြင့် လှုပ်ရှားသူများသည် ပို၍ တက်ကြွလာခဲ့ကြသည်။
နိဂုံးချုပ်
ကျန်းမာရေးစောင့်ရှောက်မှု ပိုကောင်းလာခြင်းနှင့် ကာလ တာရှည်စွာ ငြိမ်းချမ်းနေခြင်းတို့ ကြောင့် တရုတ်ပြည်၏ မူလကတည်းက များပြားလှသော လူဦိးရေသည် သိသိသာသာကြီး တိုးလာခဲ့သည်။ မိသားစု စီမံကိန်းလိုအပ်ကြောင်း တရုတ်ပြည်သူ့ သမ္မတ နိုင်ငံ၏ ကြိုးပမ်း ဆောင်ရွက်ချက်များသည် အောင်မြင်မှုများ သိသိသာသာ ရရှိခဲ့သည် မှန်သော်လည်း လူဦးရေ ပမာဏကို တည်ငြိမ်အောင် မလုပ်နိုင်သေးချေ၊ ဤအချက်က စီးပွားရေးကြီးထွားမှုအပေါ် သက်ရောက်နေလျှက်ရှိသည်။ တချိန်တည်းမှာပင် ပို၍ပို၍ ဦးရေ များပြား လာနေလျက်ရှိသောလူ များ၏ လူနေမှု အဆင့်အတန်း မြင့်မားလာအောင် ကြိုးပမ်း ဆောင်ရွက်မှုများကြောင့် လက်ရှိ သယံဇာတများကို တိုး၍တိုး၍ ထုတ်ယူနေရကာ၊ သဘာဝပတ်ဝန်းကျင် ယိုယွင်းမှုများသည် လည်း စိုးရိမ်ဖွယ်ရာဖြစ်လာခဲ့သည်။ ဤအချက်များကြောင့်လည်း စီးပွားရေးကြီးထွားမှုမှာ၎င်း၊ အများပြည်သူတို့၏ အထွေထွေ ကျန်းမာရေးမှာ၎င်း ထိခိုက်ခံနေရလျက်ရှိသည်။
ကျန်းမာရေး၊ လူနေမှု အခြေအနေ၊ သဘာဝပတ်ဝန်းကျင်နှင့် စီးပွားရေး ကြီးထွားမှုတို့သည် တခုနှင့် တခု ပွေလီစွာ ယှက်လိမ် နေကြ ကြောင်းကို ပါတီနှင့် အစိုးရခေါင်းဆောင်များ သိကြပါသည်။ ဤအရာကိစ္စများကို တခုနှင့်တခု ညှိနှိုင်းချိန်ဆရသော အလုပ်သည် လွယ်ကူလှသော အလုပ်မဟုတ်သည့် အပြင် လူထု အမြင်အရ ဆိုလျှင် ပေါက်ကွဲမှုများ ဖြစ်လာစရာ ရှိပါသည်။ လုပ်ငန်းတာဝန်က ကြီးလေးလှသည့်အပြင်၊ လက် အောက်ခံအဖွဲ့ အစည်းများနှင့် အများပြည်သူတို့  အတိအကျလိုက်နာအောင် စွမ်းဆောင်အားကလည်း ဗဟိုအစိုးရမှာ ဆုတ်ယုတ်ကျဆင်း နေလျက်ရှိသည်ဖြစ်ရာ၊ ဤဘ၀အရည်အသွေး ဆိုင်ရာ ပြဿနာများကို အလွယ်တကူ သို့တည်းမဟုတ် မကြာမီမှာ ဖြေရှင်းနိုင်မှ ဖြေရှင်းနိုင်ပါ့မလားဟု သို့လော၊ သို့ လော တွေးစရာဖြစ်နေပါသည်။ ။
(ပြီးပါပြီ။)
0 comments: