ရွှေလင်းမြေ

တကယ်တော့ ကုန်းဘောင်ခေတ်ရဲ့အထင်ကရစာဆိုတော်ကြီး နှောင်းခေတ် ပညာရှင် တွေက မြန်မာပြည်ရဲ့ရှိတ်စပီယားလို့ အမည်တပ်ခံရတဲ့စလေဦးပုညဟာ ရုပ်ဆင်း အင်္ဂါ ပြည့်စုံသူမဟုတ်ပါ။ ခြေတစ်ဖက်သိမ်ကာ လက်တစ်ဖက်ကလဲသေးပြီ မွေးရာပါ ဒုက္ခိတပါ။ ဒါပေမယ့် ပညာဥာဏ်ပါရမီ ရင့်သန်လှသူမို့လဲ သူရဲ့အားနည်းချက်တွေ ပျောက်ကွယ်နေချင်းဖြစ်ပါတယ်။ ဘယ်သူမှလည်း  သူ့ရဲ့အားနည်းချက်ကို ဖေါ်ထုတ် စော်ကားရဲမယ်မထင်ပါ။ သူနဲ့တစ်ခေတ်တည်းပေါ်ခဲ့တဲ့ ခေတ်ပြိုင်စာဆို အချုပ်တန်း ဆရာဖေက လွဲရင်ပေါ့။ အချုပ်တန်းဆရာဖေဆိုတာကလည်း သူခေတ်နဲ့သူတော့ ခေသူမဟုတ်ပါ။ ဦးပုညလို အနုအလှတွေထိမီတဲ့ စာသားတွေ မသုံးနိုင်ပေမယ့် နယ်ချဲ့အင်္ဂလိပ်ကိုကလောင်သွားနဲ့ မကြောက်မရွံ့ကလိရဲတဲ့  အာဇာနည်စာဆို တစ်ဦးပါ။ ဦးပုညနဲ့ဆရာဖေတို့ဟာ ခေတ်ပြိုင်ဖော်ခေတ်ြပိုင်ဖက်တွေမို့ တစ်ယောက် အကြောင်းပြောရင် တစ်ယောက်ကိုချန်ထားလို့မရပါ။ တစ်ယောက်နဲ့ တစ်ယောက် လည်း မညှာတမ်းတိုက်ခိုက်ရေးသားကြသူတွေဖြစ်ပါတယ်။
စာကောင်းရင် 
မအေပေးတွေက 
စလေရေး ဆိုကြပြန်တယ်   
တို့များကျ ဥာဏ်မမှီတယ်  
ကံမပီညစ်နွမ်း..... ဆိုပြီး အချုပ်တန်းဆရာဖေက စရေးတော့ စာပေတိုက်ပွဲကြီးဖြစ်လာပါတယ်။
 
သူမတူအောင်အသားမည်းလှတဲ့ဆရာဖေကို ရည်ရွယ်ပြီး
 
ခါးတောင်းကျိုက် 
ပိတုန်းပိတ်နဲ့ 
ကျုံးထိပ်ကငဖေ  
ကုန်းပြိတ္တာတစ္ဆေလို 
အသရေဟိတ်နွမ်း   
မနှိုင်းအပ်မယှဉ်ရာ  
နင်ဘာပြော ဟော့ရမ်း.....ဆိုတဲ့တေးထပ်ကိုရေးလို့ ဆရာဖေကို နံမည်ခေါ်ပြီး ပြောင်ပြောင်ကြီးတွယ်ခဲ့ပါတယ်။ 


ဒါကိုမကျေနပ်တဲ့ဆရာဖေကလည်း

ကဗျာစီ မောင်ပုည
ဆောင်ဂုဏ်ပြ ထုတ်လျှင်
တောင်ချုံက ပုတ်သင်လို
ကုပ်ခွင်သိမ် လက်သေး။
မင်းမြှောက်လို့ 
သင်းလောက်ကျော်သည်
ထွင်းဖေါက်ကော် ဥာဏ်မျိုးနှင့်ဝေး...............အစရှိတဲ့ တေးထပ်နဲ့  ပြန်ခွပ်တာပေါ့ ။ 
 (တေးထပ်အပြည့်အစုံတော့မတွေ့ မိပါ၊ ပညာရှင်များ ရှာဖွေကြဆဲလို့ ထင်ပါတယ်။) 
အဲဒီမှာ ဦးပုညနည်းနည်း ငြိမ်သွားတယ်။ ပြန်တီးတဲ့  စာထွက်မလာတော့ဘူး။ ဒါပေမယ့်  နေသေးသပချုံထဲက ချိုသွေးတမြမြ ဆိုတာလို အကြံထုတ်နေတာနေမှာပါ။ အဲဒီအချိန်မှာထပ်ပြီး မီးဆေးဖို့  အလဲထိုးဖို့  အချုပ်တန်းဆရာဖေရဲ့ ဘက်တော်သားတွေက
မီးလောင်ရာ လေပင့်ထပ်လုပ်ကြ ၊ အကြံပေး ကြတာပေါ့ ။ အဲတော့ ဇစ္စန္ဒာဧဠ စလေက ပုညံ၊ အခြေက ဂုဏ်ခံသော်၊ ပုံသဏ္ဍာန် ဆိုပြ၊ ကုသလ ဥပေက္ခာ၊ လူဖြစ်လာ သန္တီရဏ၊ သန္ဓေချင်းမတူပါ၊ အယူမှာကွာလှ၊ နမူနာ စာအရကိုတော့၊ ကမ္ဘာက အသိပါ၊ ဝိပါက်မှာ မဟာထပ်ပါလို့ ၊ လာကပ်တဲ့ မန်းမြို့ဆရာ၊ သန္ဓေချင်း ဒါလောက် ကွာတယ်၊ ဝါမောက်ကာ ဆိုင်မတုချင်နဲ့ ၊ ပြိုင်ပြုက မနုဿဌာနီ၊ မုချကွာမည်၊ ဥက္ကဋ္ဌ အာဇာနည်ကို၊ စာပလီ ရေးလာနှင့်လေး........... ဆိုပြီး ပွဲသိမ်းဒူးပေးလိုက်တာပေါ့ ။ အဲဒီမှာတင် စလေ နဂါးကြီး ရှူးရှူးရှဲရှဲ ဖြစ်သွားတော့တာပေါ့ ။ သူ့ အားနည်းချက် လက်ခွင်တဲ့  ကိစ္စကို အချုပ်တန်းဆရာဖေရဲ့  ကဗျာကြောင့် လူတွေသိသွား ကြတာကို သူသိပ်ရှက်သွား တာလည်းပါတာပေါ့ ။ အဲတော့ သူ့ ရဲ့ လက်ကိစ္စကိုလည်းဖြေရှင်းရင်း၊ ပင့်လက်သီးလည်းပေးရင်း တစ်ချက်ခုတ်နှစ်ချက်ပြတ် တွယ်လိုက်တာက တရုဏီရွယ် ကာလ၊ ငယ်ခါက ကျောင်းနေ၊ ဘယ်ညာချ စောင်းအနေမှာ၊ လောင်းကဝေ ငါ့အား၊ အိပ်ပျော်ခိုက် ဘ- အလာမှာ၊ မကာသာ တွန်းချလေငြား၊ သို့ အတွက် လက်ျာ သိမ်သည်၊ ငါကဝိန်သူ့ အား၊ ဘာအလိမ် လူ့ငနွား ရယ်က၊ အရှုမှားလေတယ်၊ ငဖေရယ် စလေတုပေမယ့် ၊မေရုနှင့်မြင့်မိုရ်ကွာမယ်၊ သူရာနှင့်သိကြားနှယ်၊ ဘုရားဝယ် မာရ်နတ်သို့ ၊ စာတတ်နှင့် အ,သူပမာ ၊ အဲသည်လောက်ကွာ၊ ကေဝဋ်နှင့် မဟော်သဓာလို၊ အတော်ကွာခြားတာမို့ လေး................
သူ့အဖေ အအိပ်ကြမ်းလို့ တွန်းချခံရပြီး လက်သိမ်သွားတာကို ဖေါ်ပြရင်းနဲ့ ဥပမာ အမျိုးမျိုးသုံးပြီး နှိပ်နှိပ်ကွပ်ကွပ် ချေပလိုက်တာပေါ့။
  ဦးပုညက အချုပ်တန်းဆရာဖေက သူ့လက်နဲ့ ပါတ်သက်ပြီး ဝမ်းတွင်းပါ အနာလို့  စာချိုးထားတာကို တော်တော် အခံရခက်နေတော့ အဲလောက်နဲ့ မကျေနပ်နိုင်သေးပဲ အချုပ်တန်းဆရာဖေက သူ့ ငယ်ကျိုးငယ်နာကို ဖေါ်ထုတ်ရေးသားတာဟာ လိမ်ညာပြီး ရေးတာမို့  လူလိမ် တစ်ဦးဖြစ်ကြောင်း တိုင်းပြည်ကို ဖြေရှင်းချက် ချေပချက် ပေးလိုက်တာက စေတီယ မင်းလက်ထက်၊ ဖွားဘက်တော်ရဲဗိုလ်၊ မဟုတ်မှ သူဆိုတယ်၊ သူ့ တကိုယ်မုသား၊ အလွဲများ ဘုရင်တွင်သည်၊ အလိမ်တွင် မင်းတရဖျား၊ အမှားများ ဥသျှောင်ငယ်၊ အကောက်တောင်ပိုင်စား၊ သင်္ဘောပါ မှန်များသော်မှ၊ မှားခေါ်လို့ ရောင်းစေ၊ မှန်ခေါ်လျှင် အာကိုဖဲ့ မယ်ဟု၊ မောင်း လှည့်မည့် လူစားပါပေ၊ တစ်မိုးအောက်လူ့ ပြည်မှာ၊ သည်မောင်ဖေ တပါးဟာဖြင့်၊ မုသားစောင်လိုခြံ၊ ပိန်းပိတ်လို့ မှုံ၊ မျက်လှည့်ကြီး ဥာဏ်မျိုးစုံရယ်၊ လှည့်စားပုံဆန်းလှပါလေး...............ဒါနဲ့ လည်း စိတ်မကျေသေးဘူး။ အချုပ်တန်းဆရာဖေဟာ လိမ်ညာ တတ်သူ ဆိုတာ ပိုပြီးထင်ရှားမြင်သာစေချင်လို့  အလွန့် အလွန် ထိမိပြီး သေးသိမ်ယုတ်ညံ့တဲ့ ရွံရှာဖွယ် စကားလုံး ဝေါဟာရတွေကို စက်သေနတ် ပစ် သလိုသုံးပြီး  ဂျပ်ကောင်နှယ် ဖင်ကြားက၊ သန်း စကားသူဝါ၊ ရမ်းကား၍တုလာလျှင်၊ ဥပမာဆိုစို့၊ ချေးပုံနှင့် မြင့်မိုရ် တောင်၊ ခင်းဆိုယောင် ပြုကြသည်သို့၊ သေးကွက်ကို ပင်လယ်၊ နင်တကယ်ထင်လို့၊ သဘင်ဝယ် ယှဉ်မတို့ လာနှင့်၊ သခင်တို့ ဦးချီ၊ အုန်းမှုတ်လို အနေစားငယ်နှင့်၊ ရွှေဖလား မနှိုင်းတန်သင့်ပြီ၊ ဥတုနှင့်ပုဇွန်ဆီ၊ ဒွန်ပီပီယှဉ်တွဲလို့ ၊ စပ်ဖဲအတွင်းခံ၊ ရိုင်းမိုက်တဲ့ ဥာဏ်။ မိုးကြိုးနှင့်အီးသံလို၊ ခရီးမှန်ကွာလှမ်းလှလေး.......... ဒီလိုနဲ့ ပဲ ဦးပုည နဲ့  အချုပ်တန်း ဆရာဖေ တို့ ရဲ့ ကဗျာစီးချင်းတိုက်ပွဲဟာ ယမ်းနံ့ သွေးနံ့  တို့  လွင့်ပျံ့  လို့ နေကြပြီပေါ့ ။ တကယ်တော့ သူတို့နှစ်ဦးရဲ့ ရန်စကို ဇာတ်ရှိန် မတက်တက်အောင် မီးထိုး မြှောက်ပင့်ပေး တဲ့သူတွေရှိခဲ့ ကြလို့ သာ အခုလို အပြန်အလှန် စာချိုးခဲ့  ကြတာဖြစ်ပြီး၊ အဲလို သူတစ်ပြန်ကိုယ်တစ်လှည့်  ကဗျာသိုင်းကွက် အသစ်တွေ ထုတ်ခဲ့ ကြတဲ့အတွက် အခုလို စီးချင်းတိုက်တဲ့  ကဗျာတွေကို မြန်မာ စာပေ ကဗျာ လောကမှာတွေ့ မြင်ခဲ့  ကြရတာ ဖြစ်ပါတယ်။ တစ်ယောက်နဲ့ တစ်ယောက် တပည့်နောက်လိုက်တို့ ရဲ့မြှောက်ပင့်သွေးထိုးမှုကြောင့်ရော၊ ပြီးတော့ ငါ ဆိုသော မာန အခံ၊ အရည်အချင်း ပြိုင်ဆိုင်လိုတဲ့  စိတ်အခံ တို့ ကြောင့်ပါ အခုလို ကဗျာစီးချင်းတိုက်ပွဲမျိုး ဖြစ်ခဲ့ ကြတာပါ။ ဒါပေမယ့်  တစ်ယောက်နဲ့ တစ်ယောက်သဲသဲမဲမဲ ရန်ငြိုးသိုပြီး တစ်သက်လုံး မုန်းနေကြလိမ့် မယ်လို့ ထင်ရင်တော့မှားလိမ့် မယ်နဲ့ တူပါတယ်။ဦးပုည တစ်ယောက် အခါပေးမှုနဲ့ ပါတ်သက်ပြီး အဖမ်းခံရ၊ ပြီးတော့"လကိုခွေးသတ် " ခံရ တဲ့ အခါမှာ အချုပ်တန်း ဆရာဖေ တစ်ယောက် အူမြူးနေမယ်ထင်ကြပါသလား။ ဒါမှမဟုတ် မတရားသော လောကကြီးကိုပဲ စိတ်နာပြီးဘဝတူချင်းအတွက် မျက်ရည် ကျနေမလား။ ကျွန်တော့ကတော့ လက်ရည်တူ ပြိုင်ဘက်ကောင်းတစ်ယောက် အချိန်မတန်မီကြွေလွင့်ခဲ့  ရတော့အချုပ်တန်းဆရာဖေ အဖို့ မှာ နှမျောစိတ်နဲ့  သေတဲ့အထိ ဦးပုညကို လွမ်းနေလိမ့်  မယ်လို့ ထင်မြင်မိပါကြောင်း။သူတို့ နှစ်ဦးရဲ့ စာပေတိုက်ပွဲ ကဗျာစီးချင်း ထိုးပွဲနဲ့ ပါတ်သက်လို့  မြန်မာစာ ပါမောက္ခ ဦးချမ်းမြ ကစာဟူသည်မှာ အပြိုင်ရှိမှလည်းတိုးတက်သည်။ သူတို့ရဲ့စာပေတိုက်ပွဲမျိုးတွေကို နိုင်ငံရေး အမြင်များဖြင့် ပုံကြီးမချဲ့ သင့်။မည်သူမှန်၍မည်သူမှားသည် ဟု စပ်ကြားက မဝေဖန်သင့်။ သူ့  ဆရာငါ့ဆရာ ဟူ၍လည်း
ငါ့ဆရာထိကမခံဟူ၍လည်း စိတ်သဘောမျိုးမထားသင့်။ သူတို့  စာများကို ဖတ်ရှု၍ဆင်ခြင်ပြီး အမြတ်ထုတ်ကြရာသည်ဟု ထင်မြင်ကြောင်းသုံးသပ်ချက်ကို တင်ပြရင်း အဆုံးသတ်လိုက်ပါတယ်။


ကဗျာများအား မူရင်းသတ်ပုံအတိုင်းဖေါ်ပြထားခြင်းဖြစ်ပါတယ်။


ကဗျာနှင့်အချက်အလက်များအား အငြိမ်းစားမြန်မာစာ ပါမောက္ခ ဦးချမ်းမြ ၏ အချုပ်တန်းဆရာဖေ စာအုပ်မှ ကူးချ ဝေငှထားတာ ဖြစ်ပါကြောင်း။



မေတ္တာ ကရုဏာ စေတနာဖြင့် 
စလင်းဇင်ယော်
စုစည်းရှာဖွေတင်ပြသည်။