ရွှေလင်းမြေ

အပိုင်း (၁)

“တကောင်း အဘိရာဇာ ဒို့ ဗမာ သာကီမျိုး ဟာမို့၊ မညှိုးဂုဏ်တေဇာ” ဆိုပြီးတော့ ရေးတဲ့ သူကလည်း ရေး၊ ဆိုတဲ့ သူတွေ ကလည်း အားပါးတရ ဆိုခဲ့ကြတယ်။ ဇာတိသွေး၊ ဇာတိမာန်ကို တက်ကြွ စေတယ် ဆိုတာ ကောင်းတာပေါ့။ သို့သော် တကယ်တမ်း မှာတော့ အလိုလို နေရင်း သွေးနထင် ရောက်ပြီး ဘ၀င် လေဟပ်တဲ့ အယူအဆ မျိုးတွေပဲ ဖြစ်လာခဲ့တယ်။ တကယ်တော့ ရှေးဗမာ တွေဟာ ဆင်းရဲတယ်၊ ရိုးသားတယ်၊ ရှေး အစဉ်အလာ ပါရာဒိုင်း ဘောင်အတွင်းမှ ရုန်းထွက် ခြင်းငှာ မစွမ်းသာ လောက်အောင် နာခံ သေ၀ပ် တတ်တယ်။ တင်းတိမ် ရောင့်ရဲ ကြတယ်။

တချိန်တည်း မှာပဲ မိုက်တယ်၊ အတယ်၊ ခေတ်နောက် ကျတယ်၊ ရိုင်းတယ်၊ ၃၈ ဖြာ မင်္ဂလာ တရားတော်ကို ဦးထိပ်ထား အကြောင်း ပြပြီး အအားနေ အပျင်းထွေ တတ်သေးတယ်။ ဝတ်ဖို့ စားဖို့ ဖျင်ထည် ရက်လုပ်တဲ့ ၀ါဂွမ်း စိုက်ပျိုးမှု နည်းပါးတော့ အင်္ကျီ မကပ်ပဲ ကျောပြောင် ကြီးတွေနဲ့  နေလေ့ ရှိကြတယ်။ ရာသီဥတု ကလည်း ပူအိုက်တော့ အတော်ပဲ ဖြစ်သွား သပေါ့။ လေလည် မိရင် သေမလောက် ရှက်ကြပြီး သားသည် အမေတွေ ကျတော့ ရင်တုံးလုံး နဲ့ မရှက် မကြောက် နေကြ ပြန်သေးတယ်။ ယောင်္ကျား ထိုးကွင်း၊ မိန်းမညှင်း၊ ဒါကိုပဲ အလှတပါး လို့ ယူဆ ကြပြန်တယ်။

သုံးဖက်က တောင်စဉ် တောင်တန်း၊ ကျန် တစ်ဖက်က ပင်လယ်၊ ကာဆီး ခံထား ရတဲ့ မြေကို ပိုင်ဆိုင် ကြတယ်။ နည်းနည်းလောက် အပင်ပန်း ခံပြီး ထွန်ယက် စိုက်ပျိုး လိုက်ရုံ နဲ့ စားဝတ် နေရေး တစ်နှစ် ပါတ်လုံး အတွက် လုံလောက် လွယ်ကူစွာ ရရှိ နိုင်တယ်။ စားရေ ရိက္ခာ အတွက်ကြောင့် ရပ်ဝေး သွား ရှာဖွေဖို့ မလို။ မသွားရင် မဖြစ်တဲ့ အကြောင်းကိစ္စ တစ်စုံတစ်ရာ မရှိရင် ကိုယ်နေထိုင် တဲ့ နေရာ ကနေ ရေခြား မြေခြား၊ တိုင်းတပါးကို သွားရောက် ချင်စိတ် မရှိ၊ တကယ်လို့ သွားချင် ဦးတော့၊ သွားဖို့ရန် လွယ်ကူတဲ့ လမ်းကြောင်းလည်း မရှိပါ။ ဒီအကြောင်း တွေကြောင့် ခေတ်နောက်ကျ၊ ယဉ်ကျေးမှု၊ တိုးတက်မှု၊ လူနေမှု စနစ်တွေ နိမ့်ကျခဲ့ရရှာတယ်။ ဗမာ မဟုတ်ပဲ အခြား လူမျိုး တစ်မျိုးမျိုး ဒီဒေသမှာ လာရောက် အခြေစိုက် ခဲ့ရင်လည်း ဒီလိုပဲ ခေတ်နောက်မှာ ကျန်ရစ် ခဲ့မှာ ပါပဲ။ ကာလံ၊ ဒေသံ ကြောင့်ပေါ့။ အကြောင်း အမျိုးမျိုးနဲ့ လူမျိုးခြား တွေဟာ ပင်လယ် နဲ့ တောင်တန်း တွေကို ဖြတ်ကျော် လာပြီး ဒေသခံ မြန်မာတို့ ဆီ ရောက်ခဲ့ ကြတယ်၊ စီးပွား ရှာဖို့၊ ကုန်သွယ်ဖို့ အဓိက ဆိုပေမဲ့ လို့ သူတို့ရဲ့ ယဉ်ကျေးမှု ဓလေ့ထုံးစံ တွေလည်း တနွယ်ငင် တစင်ပါ,ပါလာတာပေါ့။ အထူးသဖြင့် တော့ ဗုဒ္ဓရဲ့ တရားတော် တွေကို မြန်မာတို့ သဘောကျ နှစ်ခြိုက် ခဲ့ကြတယ်၊ အတူယူတယ်၊ လိုက်နာ ကျင့်သုံး တယ်။ မြန်မာ့လူ့ဘောင် အဖွဲ့ အစည်းရဲ့ မူပိုင် အရာလို့ တောင် ထင်လာ ကြတယ်။

ဒီလို နဲ့ပဲ သက်ဦးဆံပိုင် ဘုရင် စနစ်ကို အများ နည်းတူ ထူထောင် ကြတဲ့ အခါ ရှင်ဘုရင် လုပ်တဲ့ သူက ဘာသာရေး တရားတွေထဲ ပါနေကျ ဇာတ်လိုက် ကျော်ကြီးတွေ ဖြစ်တဲ့ ဘုန်းကံ ကြီးမားတဲ့ လူမျိုးတွေ၊ အမျိုးမြတ်သော ဘုရင် မင်းတရား တွေနဲ့ ဇွတ်အတင်း ဆွေမျိုး စပ်ကြ တော့တယ်။ အထူးသဖြင့် ဆွေစဉ် မျိုးဆက် မဟုတ်ပဲ ကြားက ဖောက်ပြီး ဘုရင် ဖြစ်လာတဲ့ ငတပါး မင်းတွေ ဆိုရင် ပိုပြီး ပြောတတ် ကြတယ်။

“ငါက ဘုရား ဗျာဒိတ် ရတဲ့ သာသနာပြု မင်းပေါ့။ မျိုးရိုး ကလည်း အင်မတန် ကြီးတယ်။ ဂေါတမဘုရား နဲ့ တိုက်ရိုက် ဆက်တဲ့ အမျိုးပဲ။ မစ္ဆိမ ဒေသက သာကီဝင် ကွဲ့ ။ သာကီဝင် ဆိုတာ ကလည်း ကမ္ဘာမှာ ပထမဆုံး ပေါ်တဲ့ မဟာ သမတမင်း ရဲ့ အဆက်ပေါ့” ဆိုပြီး လုပ်ဇာတ်ထွင် ပြောရ ရှာတဲ့ မင်းမျိုး တွေကို ငတပါးမင်း ခေါ်တယ်။

ထိလိုင်မင် ခေါ် ကျန်စစ်သား၊ မင်းကြီး စွာစော်ကဲ၊ ဟံသာဝတီ ဆင်ဖြူရှင် နဲ့ အလောင်းဘုရား ဦးအောင်ဇေယျ တို့ဟာ ဘုရင် မျိုးရိုး မဟုတ်ပဲ မင်းတက် ဖြစ်တော့ ငါ့ အမျိုးဟာ ပြာမှေး မီးခဲလို ခဏ တိမ်မြုပ် နေရှာတာ။ အရင်း စစ်တော့ ဘုရားမျိုးကွ လို့  ကောင်းသည်ထက် ကောင်းအောင် ရှာကြံ ကြွေးကြော် ရရှာတယ်။ ဒါမှ လူလေးစား မှာလို့ ထင်ကြ တာကိုး။ ရာဇ၀င် ဆရာများ လည်း ရှင်ဘုရင့် မျက်နှာ ကြည့်ပြီး ထမင်းစား ရတဲ့ လူတွေ ဆိုတော့ ဘုရင် လုပ်သမျှ ဟုတ်သပ ပေါ့လေ။
တကယ် တော့လည်း ရှေး မြန်မာကြီး တွေဟာ လူက ဖြစ်တဲ့ လူသားတွေ ပီပီ တခါတလေ တော့လည်း ချစ်ဖွယ်၊ မြတ်နိုးဖွယ်၊ သနားဖွယ်၊ အချင်းချင်း ရိုင်းပင်း ကူညီ စောင့်ရှောက် ပြီး ကြင်နာ သနားစိတ် ရှိကြမှာ မြေကြီး လက်ခတ် မလွဲ။ တခါတလေ လောဘမုန်တိုင်း၊ ဒေါသမုန်တိုင်း၊ မာနမုန်တိုင်း ထန်လာရင် ရက်စက်၊ ကြမ်းကြုတ်၊ မိုက်မဲ၊ ရိုင်းစိုင်း၊ အကျင့်ပျက် ကြမှာလည်း သေချာပေါက် ပေါ့။မြေကြီးကို မှီခို စားသောက်သော လူပီသသော လူသားကြီးတွေ ကိုးဗျာ။

ကိုးကား။

* ဖိုးစိန်၊ ပညာဝန်၊ အပါတ်စဉ်အညာဆောင်းပါးများ
* ဘဆွေ၊ ရန်ကုန်၊ မြန်မာပြည်သား
* သန်းထွန်း၊ ဒေါက်တာ၊ နယ်လှည့်ရာဇ၀င်




မေတ္တာ ကရုဏာ စေတနာဖြင့်
စလင်းဇင်ယော်
စုစည်းရှာဖွေတင်ပြသည်။